Validation para sa proposed nga mga infrastructure project para sa Kanlaon Recovery and Development Plan ang paga sugdan sa Oktubre.
Ini suno kay Office of the Civil Defense Negros Island Region Director, Donato Sermeno, III nga nagsiling man nga ang tiglawas sang National TF Kanlaon gikan sa Manila kag tiglawas gikan sa TF Kanlaon NIR ang maga patuman sang validation.
Nalakip sa mga proposed infrastructure projects ang mga taytay kag dalan, kaangay na lamang sa taytay sa Moises Padilla nga maga serbe alternative nga alagyan enkaso nga may yara sang disaster.
Magluwas sa Moises Padilla, nalakip sa mga local government units nga may yara sang proposed infrastructure projects nga kabahin sang Kanlaon Recovery and Development Plan ang La Castellana, Bago City, Canlaon City, Murcia kag San Carlos City suno kay Sermeno. Sa tunga-tunga sang Oktubre naka schedule ang validation.
“Mid-October kay maabot sila diri for one week. Siguro ma divide kami into three groups para mas dasig, dala na da sang validation, daw two days para matapos ang dokumento nga kinahanglanon”, suno kay Sermeno.
[sibwp_form id=1]