Utod nga kamot ginbilin sa higad karsada sa Barangay Bata sa Bacolod. Naupod ini sa note nga may ngalan sang pulis.
Indi pa mapat-ud sang Police Station 3 kun sino ang tag-iya sang isa naman ka utod nga kamot nga ginbilin sa kilid sang dalan sa Ilang-Ilang street sakop sang Purok Riverside sa Barangay Bata sa Bacolod kaina sang aga.
Sa tupad sang utod nga natuo nga kamot ang note nga may ngalan sang pulis nga gina alegar pusher, protector sang iligal nga droga kag panahor.
Suno kay Police Major Armilyn Vargas, posible isa ka paandam ang luyag ipalab-ot sang wala makilal-an nga responsable sa ginwigit nga utod nga kamot.
Ginsiling naman ni Police Captain Francis Depasucat nga ang ginatumod sa note nga si Police Staff Sergeant Anthony Vistar ang wala sang kaangtanan sa iligal nga droga kag panahor.
Sa baylo nangin mapisan nga katapo sang intelligence unit ang amo nga personnel nga nangin masupog sa kampanya sang Police Station kontra iligal nga droga kag panahor.
Nagapati si Depasucat nga ini ang kahimuan sang mga kriminal nga may kaakig sa police operative.
Samtang, tungod sang maka alarma na ang sunod-sunod nga kaso sang mga ginawigit nga utod nga kamot kag tiil luyag naman ni Mayor Albee Benitez nga mapadasig ang pagbulos sang maga tal-os nga pamuno sang Bacolod City Police Office para matagaan ini sang atensyon kag masolbar ang mga kasubong nga insidente.
Enero may ginbilin man nga utod nga kamot sa Barangay 2 sa Bacolod nagligad nga Marso 29 may mga utod man nga tiil nga ginwigit sa may CL Montelibano Drive sa Bacolod City.