USLS Culinary student nangin overall champion sa 2nd MassKanamit Culinary Showdown. Mga local dish kag ingredients kasubong sang tambo kag puso sang saging natagaan atensyon sa tuigan nga kompetisyon.
Nagkampeon man ang La Consolacion College-Bacolod sa Sweet Revenge Category nga para sa paghimo sang pastries. Ang VMA Global College ang nangibabaw sa Food and Beverage Category. Samtang ang Asian College of Dumaguete, napili kampeon sa Kucina Moderna Kulinarya category.
Masobra sa 300 ka mga student participant halin sa 18 ka mga culinary kag hospitality management schools sa Negros Island ang nagpakigbahin sa kumpetisyon.
Dungan sa ginhiwat nga 8th Sabor Bisaya 15th National Food Showdown natagaan sang bag-o nga sabor kag duag ang mga locally produce ingredients pareho sang tambo kag puso sang saging nga nahimo nga salad, atchara kag iban pa nga appetizer.
Ang paghatag atensyon sa mga local produce kabahin sa ginatagaan atensyon sang Bacolod LGU sa ginahandom nga mangin Slow Food hub sa Asya.
Ginsiling sang Celebrity Chef nga si Myrna Segismundo nga nangin isa sa mga judge sa tuigan nga kompetisyon nga natungod sang mga kilala nga produkto sang Bacolod halin sa mga cakes, kakanin kag iban pa nga delicacies dako ang potential sang siudad nga mangin isa man ka Pastry Capital sang pungsod.