Nagahinyo sang bulig sang Department of Agriculture, Sugar Regulatory Administration kag sang probinsya sang Negros Occidental ang United Sugar Producers’ Federation of the Philippines ukon UNIFED sa pag patigayon sang cloud seeding operations gilayon bilang sabat sa naga padayon nga dry conditions tuga sang pagsugod sang El Niño.
Sa sulat nga ila ginpadala kanday Agriculture Sec. Francisco Tiu Laurel, SRA Administrator Pablo Luis Azcona kag Negros Occidental Gov. Eugenio Jose Lacson, gin siling ni UNIFED President Manuel Lamata nga ang kakulang sang supisyente nga pagtupa sang ulan ang labing naga apekto sa pag tubo sang tubo. Naga panubo ini sang yield potential kag nagasaka ang risgo sang kapierdehan.
Dugang pa ni Lamata, kun wala sang intervention nga ipatuman, ang sugar industry, labi na ang palangitan-an sang linibo ka mga sugar farmers kag workers, ang maga pangatubang sang daku nga pag panghangkat.
Suno sa iya ang gilayon nga cloud seeding intervention ang importante para ma aksyonan ang kakulang sa tubig, ma suportahan ang kinahanglanon sa irrigation kag ma pa hagan-hagan ang negatibo nga epekto sang drought sa sugarcane production.
[sibwp_form id=1]