United Negros Alliance ang may napilian na para sa vice gubernatorial post sa 2025, pero indi pa subong ang tion sa pagpalayag.
Ini suno kay Negros Occidental Vice Governor, Jeffrey Ferrer nga amo man ang Presidente sang UNegA.
Natapos na nila talakay ini suno kay Ferrer, kag ila ini iga announce sa nagakaigo nga tion, magluwas na lamang suno sa iya kun may pag kambyo gikan sa iya nga bahin.
Ginsiling kahapon ni Governor Eugenio Jose Lacson sang Love Negros nga ang coalition nagahulat na lamang sang opisyal nga announcement sang UNegA kun sin-o ang ila nga mangin manok para sa 2025 vice gubernatorial post.
“May internal na na kami. Tapos na na. It’s not now. Indi pa amo ni na time to announce. It’s too early. But we have already in mind. Final na kay ako ang gapili mo.
Final na. Unless otherwise may pagbag-o sa akon, so everything is not final, but we have (someone) in mind”, suno kay Ferrer.
Damlag pa ginsiling ni Ferrer nga plano niya magbalik sa 4th District karon nga maga tapos naman sang iya nga termino ang iya tiayon nga si Congresswoman Juliet Marie Ferrer. Samtang, ginsiling naman ni Ferrer nga bisan pa may coalition, indi ma dula nga sa kada election sa lokal nga lebel may yara sang mga maga sumpunganay.