Ang Bacolod ang nagapanguna sa vaccination coverage accomplishment sa Western Visayas nga may masobra na sa 153 percent sang target population nga nabakunahan.
Ugaling tungod man sang nagadiutay ang kadamuon sang mga nagapabakuna, linibo man ka mga vaccines ang sarang mag expire matapos ang bulan sang Hunyo.
May kinse porsyiento pa lang sang target population ang nakabaton sang booster dose.
Suno kay Dr. Edwin Miraflor, officer in charge sang City Health Office, magahulat sila sang guidelines gikan sa Department of Health antes pa man posible ibalik ang manug expire nga vaccines.
Nagalaum siya para sa issuance sang emergency use authorization para sa duha tubtob tatlo pa ka bulan nga extension sang pag gamit sang bakuna.
May masobra pa sa shien mil ka doses sang Covid-19 vaccines ang yara sa cold storage facility sang Bacolod Emergency Operation Center.
Wala pa diri nalakip ang nabilin nga masobra kwatro shientos mil nga vaccines nga gin-advance purchase sa AstraZeneca Pharmaceuticals Philippines Incorporated.