Natumba ang 6 wheeler sa Circumferential Road malapit sa Bangga Cory sa Bacolod City, matapos ginbungguan sang awto mga las kwatro kaina sang kaagahon.
Suno sa pahenante sang truck, gikan sila sa banwa sang EB Magalona para magkuha sang mga manok sa Bago City. Nakibot na lang sila sang nakatabok na sila sa crossing, hinali na lang nga may awto nga nagbunggo sa ila nga pang ulihi nga goma. Padulong naman sa Mansilingan ang awto. Bangud sang pagka bunggo, natumba ang truck.
Nag resulta naman sa pag guot sang mga salakyan ang natumba nga truck nga nag okupar sang halos isa ka lane sa dalan.
Sini nga udto gin amat-amat ini nga ginkuha sang Chamber Volunter Fire Brigade para mapatindog ang truck kag maguyod para tigayon na nga malabyan ang dalan.