Isa ka ido ang patay matapos matampukan sang tubo sang natumba nga truck.
Natumba kaina sang kaagahon ang truck nga may karga nga tubo matapos ini mag lapaw sa highway sang Barangay Antipolo banwa sang Pontevedra.
Suno sa PNP, nadulaan sang kontrol ang driver sang truck samtang naga paliko gani nag rekta ini sa pihak nga lane kag nag takilid sa balay nga yara sa kilid sang dalan.
Ang hinuptanan nga german shepherd sang pamilya nga yara sa sulod sang cage ang napatay matapos matampukan sang tubo.
Na damage man ang motorsiklo nga naga parking sa gwa sang balay.
Naguba man ang kilid nga bahin sang balay pero wala man sang may nasamaran nga persona suno sa pulis.