Makita sa video ni Nicky Dumapit ang nagalinapta nga buka nga mga botelya sang softdrinks matapos ang nagluntad nga pag-arado sang mga salakyan sa dalan nga sakop sang Barangay Bagacay, Dumaguete City sang Miyerkules.
Base sa impormasyon, nadulaan sang preno ang isa ka 10-wheeler kag gin-arado ang apat ka mga salakyan, lakip na ang isa ka delivery van, tricycle kag isa ka canter truck nga may karga nga mga botelya sang softdrinks.
Nakuhaan man sang CCTV ang pagpalagyo sang mga trabahante kag ang paglumpat sang isa nila ka upod nga nagakarga sang basiyo sang softdrinks sa likod sang canter truck, pila ka segundo antes ini mabungguan sang delivery van.
Ang truck ang gikan sa Bacolod City, ang may karga nga asin nga kuntani inug-deliver pa. huSuno sa driver, upod niya ang iya asawa kag bata sang gulpi lang nga wala na nag-function ang preno kag dulgon pa ang dalan.
Dugang pa sang driver nga matapos mabungguan ang mga salakyan, ginlikaw niya na lang ang truck sa pader nga wala sang tawo agud nga magpundo, ugaling nagdiretso pa gid ini, rason nga ginbunggo niya na lang sa kahoy.
Sa inisyal nga impormasyon, isa ang pilason sa nasambit nga insidente.
[sibwp_form id=1]