Patay ang 40 anyos nga driver sang tricycle nga si Rex Palma matapos ini kahapon tiruhon sang iya nga pasahero sa Barangay Maao sa siudad sang Bago.
Suno kay Police Lieutenant Joseph Jaro, deputy chief sang Bago PNP, ang pasahero ang nag panaog sa bahin sang purok paho alas 5:30 kahapon pero imbes na kwarta ang gabuton, siya ang nag kuha sang iya armas kag gulpi na lang gin tiro ang driver sang tricycle.
Nagpalagyo man gilayon ang suspek nga tubtob karon wala pa makilal-an.
Suno kay Jaro, ila pa gina padalman kun ano ang motibo sa pag patay kay palma bangud sa wala man sa drugs watchlist ang biktima kag wala man ini sang kontra suno sa iya pamilya.