Ang Rizal Street, libot sa Araneta-Luzuriaga street pakadto sa Gonzaga street kag ang San Juan kag Gatuslao street nga nagapalibot sa Bacolod Public Plaza ang gina sira halin las tres sang hapon tubtob las singko sang kaagahon sa pagsaulog sang Masskara Festival.
Pero asta karon ginahulat pa ni BTAO Administrative officer Police Major Junji Liba ang approval sang katapo sang konseho para sa proposed road closure kag traffic rerouting nga igapatuman halin Oktubre 1 asta 23.
May road closure man sa area sang Lacson Street,North kag South Capitol Road.
Gani kasubong sang naandan, ginapagamit sa mga northbound kag southbound vehicles ang mga alternate roads kasubong sang Gatuslao kag Aguinaldo street.
Maga deploy sang 320 ka traffic enforcers ang BTAO nga magbulig agud mapahagan hagan ang pag gutok sang trapiko.
Sa bwas natalana ang special session angut sa proposed traffic rerouting kag road closures sa Masskara Festival.
Ginalauman ni Liba nga ini gilayon nga ma approbahan na sang konseho agud mapatuman nila ang mga pagpahanda antes sang selebrasyon.