Traffic rerouting kag mga road closure sa Bacolod para sa Masskara Festival ang gin-aprobahan na sang konseho.
Wala na mapatigayon pa ang kuntani public hearing para sa ginaduso nga traffic rerouting kag road closure sa Masskara Festival.
Gani gin-adopt na lang sang Committee on Transportation and traffic ang gin submit nga traffic plan sang bacolod Traffic Atuhority Office.
Sumugod Oktubre 1 asta 23, ipatuman ang road closure sa palibot sang Bacolod Public plaza humalin las tres sang hapon asta las singko sang kaagahon.
Nalakip diri ang Rizal street, libot sa Araneta-Luzuriaga street pakadto sa Gonzaga street kag ang San Juan kag Gatuslao street.
May road closure man sa area sang Lacson Street,North kag South capitol road.
Ang mga northbound kag southbound vehicles ang maga agi sa alternate roads kasubong sang Gatuslao kag Aguinaldo street.
May 320 ka traffic enforcers ang magabulig agud mapahagan hagan ang pag gutok sang trapiko sa tuigan nga selebrasyon.