Matapos nga nagpabutyag sang pagkadismaya sa kahimtangan sang Bacolod City Public Plaza si Mayor Greg Gasataya bangud suno sa iya madugay na ini dapat natapos sang Tourism Infrastructure and Enterprise Zone Authority, nagpadala siya sang sulat sa TIEZA para mahatagan ini sang solusyon.
Sa sulat sang alkalde iya ginsiling nga ginapaabot na kuntani nga sa sini nga MassKara Festival magamit na ang plaza, apang madamo pa sa gihapon sang wala matapos.
Kaina sang aga, nabaton na sang talatapan ni Gasataya ang sabat sang TIEZA kun sa diin nakasaad nga sa January 27, 2027 pa ang ginkasugtan nga completion date para sa sa redevelopment sang Plaza kag Fountain sang BCGC.
Paathag sang TIEZA, may mga delays sa proyekto bangud sa mga work suspensions, malain nga tiyempo, kag mga variation orders. November 2025 pa ang original nga completion date, apang na extend ini aa January 2027.
Samtang ang 300 million pesos nga gintalana nga pondo sang TIEZA ang gindugangan pa gid sa 28 million pesos.
Sa sulat sang TIEZA nakasaad nga 4.8 million pesos ang pondo para sa mga board ups ukon tabon sa palibot sang plaza kag BCGC fountain samtang may 7 million pesos naman nga dugang para kaayohon ang mga ginguba sang bagyo.
16 million pesos naman ang gindugang para sa pag upgrade sang power supply kag landscaping sang fountain sa BCGC.
Dugang pa sang TIEZA, may mga tion man nga nagakadelay ang approval sang siudad sa mga technical revisions nga ginapresenta sang TIEZA para sa fountain sang BCGC.
Nagsaad naman ang TIEZA nga ila obrahon ang tanan agud matapos sang insakto ang redevelopment project.
Sa karun wala pa sang pahayag ang siudad may angut sa amo nga sulat.
Apisar sini, magasugod na ant mga naka line up nga activities sang MassKara Festival sa Public Plaza sumugod sa Oktubre 9 tubtob Oktubre 18 lakip na ang awarding ceremony sang arena kag street dance competition.
[sibwp_form id=1]