Sa pagsugod man sa palangakuan ni Mayor Albee Benitez ginsugdan sang Task Force Spaghetti wires ang paghimus sang mga nagalinambod nga mga kable sang telecommunications company sa Bacolod.
Natapos na sang task force ang paghimus sang mga spaghetti wires sa dalan San Juan. Ugaling suno kay Councilor Al Victor Espino, chairperson sang Committee on Transportation and Traffic, tungod man sang malain nga tiempo nangin mahinay ang ginapatuman nga clearing operation sang task force.
Gani natalana man nga magasapol ang iya komitiba upod sa katapo sang task force Spaghetti Wires agud mag-assess kag magporma sang dugang nga mga tikang para mabuhinan ang kadamuon sang mga spaghetti wires sa siudad.
Natukiban sang task force nga masobra as 80 porysiento sang mga kable sang mga telco nga masami makit-an nagalinambod sa mga poste ang indi na mapuslan.