Sa pag-resume sang operation sang Task Force Spaghetti wires pagkatapos sang MassKara Festival, ang mga nagalaylay kag nagalambod nga linya sang kuryente kag telco sa Lacson Street ang ila mangin prayoridad.
Sa pagsinapol sang Task Force upod kay Councilor Pao Sy, pamuno sang Committee on Public works, nagpasalig ang mga telecommunications company nga magbulig agud mahimos ang ila mga linya sang kuryente.
Four days a week nga magabalik trabaho ang task force para malimpyohan ang mga dalanon batuk sa spaghetti wires.
Humalin sang 2023 tonelada na sang spaghetti wires ang napangkakas sa pila ka mga lugar sa Bacolod.
Ginaduso naman karon sa konseho ang pag-obligar sa mga telco kag power utility firm nga magpatuman sang underground cabling system agud masolusyunan ang problema.