Nalimpyohan kag handa na isa sa mga isolation facility sang Bacolod para sa mga nagpositibo sa Covid 19, ilabi na ang nagakinahanglan sang medical assistance.
Suno kay Dr. Maria Luisa Laarni Pornan,pamuno sang CDRRMO, magadugang man sang staff kag kitchen ang siudad sa Temporary Treatment and Monitoring Facility.
Padayon man ang minor repairs sa duha pa ka mga kaiping nga isolation facility buildings sa sulod sang compound sang City Agriculture Office sa Barangay Alijis.
Suno kay Pornan, bisan nagsaka ang Covid 19 cases sa Bacolod, mahimu gihapon mag home quarantine ang nalatnan sang virus, magluwas lang sa mga naga kinahanglan sang medical attention.
Ang Bacolod ang may 28 ka mga dugang nga covid 19 cases kahapon.