Ang ini nga mga litrato sang Sagay City PNP naga pakita sang lugar kun sa diin natabo ang pag luwas sa kabuhi sang isa ka teenager.
New Year’s Day samtang naga patrolya ang mga pulis sa baybayon sa Barangay Old Sagay nga sanday Patrolman Reden Villarin, Patrolman Arnel Soldano, kag Patrolman Jushane Clamiano may hinali na lang nga nag pangayo sang tabang bangud may persona nga naga kalumos.
Wala sang pang duha duha nga nag responde ang natungdan nga mga pulis. Ila na rescue gikan sa pagka lumos sa madalom na nga bahin sang baybay ang teenager.
Sa post sang NOCPPO Sagay City Police Station, gindayaw sang mga netizens ang maayo nga binuhatan sang mga pulis para ma salbar ang teenager.