Department of Health Central Office ang nag padala na sang team sa San Carlos City agudto mag bulig sa pag-usisa sang sitwasyon bahin sa amoebiasis cases.
Suno kay Dr Adriano Suba-an ang Regional Director sang DOH Western Visayas, nag abot na sa iya nga talatapan ang Epidemiology Bureau Team gikan Central Office kag ini sila ang maga upod trabaho sa team sang DOH Region 6 nga na deploy na sa San Carlos, Provincial Heath Office kag City Health Office.
Suno kay Suba-an sang Pebrero 22 pa na deploy ang DOH regional team para mag patigayon sang investigation.
“But ngayon we’ll be joined by the team coming from the Central Office, Epidemiological Bureau.
So it will be a joint force between the Central Office, the Center for Health Development ng Western Visayas, together with the local government unit, the PHO and the City Health Office ng San Carlos, to look into the situation ng diarrhea ngayon”, suno kay Subaan.
Sa press conference kahapon gin siling ni DOH OIC Maria Rosario Vergeire nga luyag nila i-verify ang kaso sang amoebiasis sa San Carlos City kasunod sang deklarasyon sang state of health emergency sang siudad.
May 189 ka kaso suno kay Vergeire ang San Carlos kag sang nag ligad nga tuig wala sang may na record nga kaso.
Gina klaro niya nga ang mga gin-report nga pagtatae ukon lupot sa siudad indi man tanan tuga sang amoeba, ang iban gintuga sang e-coli nga bacteria.
Suno kay Vergeire luyag nila nga balikan man sang LGU ang mga policy bahin sa deklarasyon sang state of health emergency.
Gina paabot ang pagsapol sang DOH officials sa local officials sang San Carlos.
Talakayon man ang water sources nga ginapatihan amo ang ginhalinan sang paglupot sang mga pumuluyo.
Damlag pa ginsiling ni Mayor Renato Gustilo nga base sa ila in-house laboratory, may water samples nga nag positibo sa bacteria pero gina hulat pa ang resulta sang gikan sa accredited laboratory.