Arestado ang isa ka 26 anyos nga public school teacher kag ang iya 30 anyos nga lover matapos madakpan sa akto sang otoridad nga naga pakighilawas sa balay man mismo sang manunudlo kagab-i sa Guihulngan City, Negros Oriental.
Sa report sang PNP nagpadulong sa police station ang bana sang teacher para i-report nga may persona nga naka sulod sa ila nga balay.
Sang gin respondehan sang pulis naabtan ang amo nga persona sa sulod sang kwarto kaupod ang teacher nga naga pakighilawas.
May video nga ginapakita ang mister nga makapamatuod nga may madugay na nga relasyon ang iya misis sa amo nga lalaki gani gindakop ang duha kag gina handa na sa karon ang kaso nga adultery batuk sa ila.