Makita sa video nga yara sa dalan ang driver sang tricycle kag duha niya ka mga pasahero nga babaye matapos mabungguan sang salakyan mga las dos sang kaagahon sang Miyerkules.
Nakuhaan man sang video ang isa ka lalaki nga ginpasakay man ang isa ka pa gid ka lalaki sa puti nga eco sport nga subcompact SUV.
Liwat siya nagbalik nga daw indi maributay samtang gina lantaw ang mga biktima sa dalan.
Nalagyo ang driver dala ang salakyan.
Pero, nagkalabilin sa lugar sang insidente ang mga parte sang salakyan pati na ang plate number.
Ginkilala ang drayber sang tricycle kay Jose Pataytay kag ang iya pasahero amo sanday Claribel Claro kag Rose Christine Honsilya nga mga empleyado sang isa ka BPO company.
Nagkalasamaran ang tatlo sa natabo nga pagbunggo.
Ang duha ka pasahero na confine pa tubtob karon sa ospital.
Sini nga udto gin kumpirma sang pamilya sang nasamaran, nga nagsungka na ang drayber sang SUV sa PNP.
Nag atubangay na sila sang pamilya sang mga nagkalasamaran para atubangon ang iya obligasyon.