Tatlo ka mga bombero ginpasalamatan kag gindayaw sa ila pagsalbar sa 50 anyos nga purok president nga na-trap sa sunog sa Barangay 16.
Sa tunga sang nagadaba-daba nga kalayo sang nagluntad ang sunog sa Barangay 16 sang Huwebes sang kaagahon natigayon nga naluwas ang 50 anyos nga si Alejadre Tial nga na-trap sa sulod sang nagakasunog niya nga balay.
Ang mismo fire intelligence and investigation unit chief sang Bacolod BFP nga si Fire Officer 2 Rolin Paulan amo ang nakabati kay Tial nga nagapangayo sang bulig samtang yara sa sulod sang banyo.
Upod sanday FO1 Kaysie Pearl Canja Fo1 Maikee Acot sang BFP Special Rescue Force, ginsulong nila ang kalayo agud maluwas si Tial.
Gamit ang fire hose ila ginhigot ang pilason nga biktima agud mapalapaw ini sa pader kag madala gilayon sa ospital.
Para sanday Paulan nga sa pihak sang risgo mas nanginbabaw sa ila ang kaisog nga masalbar ang kabuhi ni Tial.
Si Tial nga naga serbe purok president sa Purok Kingfisher sa Barangay 16 ang karon padayon nga nagapabulong sa ICU tuga sang naangkon nga third degree burn.
Lubos ang pagpasalamat sang iya himata kag pamilya sa mga makabig baganihan nga nagsalbar sa iya sa ital-ital.