Walo na ka mga kaso administratibo batuk sa anay alkalde ang na-dismiss.
Gani labi ini nga ginkalipay ni anay Mayor Monico Puentevella ilabi na nga hilway na siya sa kaso kag mahimu na mabaton sang mga akusado ang ila terminal fee nga wala pa nabaton.
Kabahin sa mga kaso nga na-dismiss sang Office of the Ombudsman ang may kaangtanan sa pagbakal sadto sang 61-seater bus.
Ang kaso may angut sa Anti-Graft and Corrupt Practices Act ang gin-file sang anay executive assistant ni anay Mayor Evelio Leonardia.
Samtang, nagapati man ang anay kongresista nga kun ma ammend sang kongreso ang mga pagsulundan sa Civil Service Commission mas mahapos para sa mga panibag-o nga administration ang pagdumala.
Sa pagpamuno naman ni Mayor Albee Benitez ginalauman ni Puentevella ang pagsanyug sang sport program kag ang pag-develop sang Bacolod-Silay airport.