Ginpang islan ang mga in-charge sang bodega sang supplies sang City Engineer’s Office matapos ang nadiskubrehan nga mga sinako nga semento nga nagtilig-a na.
Ginpang-kakas na sang lokal nga panguluhan sang siudad sang Bacolod ang mga in-charge sang Property and Supply Section sang City Engineer’s Office nga amo ang in-charge sang bodega para sa supplies.
Suno kay City Legal Officer, Atty. Karol Joseph Chiu, overhaul ang ginhimo sa amo nga departamento.
Nagpangayo sang extension ang apat ka mga in-charge para sa paghatag sang paathag kun ngaa napabay-an nga nagtilig-an na ang masobra sa 4,000 ka sako sang semento sa bodega bilang sabat sa show cause order sang alkalde sa ila.
Sang nagligad nga weekend sang gin inspeksyon ni Mayor Greg Gasataya ang bodega kag nadiskubrehan ang mga nagtilig-a na nga bags sang semento.
May nakita na ang siudad nga bodega nga rentahan para butangan sang mga mapuslan pa nga mga semento.
Pinaagi sini mangin klaro kun pila pa gid ka bags sang semento ang sarang pa mapsulan sang siudad.