Duha ka mga nagapataya STL nga wala sang permiso ang arestado sa raid nga ginpatigayon sang National Bureau of Investigation Biyernes sang udto.
Suno kay NBI Bacolod Chief, Renoir Baldovino, nakabaton sila sang impormasyon nga may naga operate kag naga pataya sang STL sa sulod sang Libertad Market sa Bacolod City rason nga sila ang nag patigayon sang operation. Suno kay Baldovino, naabtan sang operatiba ang duha nga naga pataya.
Ginsira man ang establisimiento. Pagsupak sa PD 1602 as amended by Sec 3, paragraph C of RA 9287 ukon ang laye nga nagapatuman sang multa sa mga naga pakigbahin sa iligal nga panahor, ang ipasaka sa ila. Pila sa mga na-recover amo ang mga STL tickets kag mga 1500 pesos nga cash nga gina patihan pusta.
“Openly. Wala naman silang basis o franchise, o authority. Walang silang permit. Based on intel report ito. Balita namin last week nag operate na sila” suno kay Baldovino.