Tiglawas sang Department of Health Region 6 ang nag bisita sa mga banwa kag siudad sang Negros Occidental nga may manubo nga vaccination coverage.
Suno kay Assistant Regional Director sang DOH 6, Dr Helen Tobias, sang Martes pa yari sa probinsya ang iya nga team kag ila nga ginbisita ang mga natungdan nga banwa kag siudad para ini sila ang ma sugilanon kun paano mapaayo pa gid ang vaccine rollout kag mabuligan bahin sa manpower.
18 sa 31 ka mga LGU sa probinsya suno sa iya ang may manubo nga fully vaccinated individuals sa dapat target sini nga mabakunahan, ukon manubo sa 50 percent sa ila nga target base sa January 17 nga report.
Pero sa 18 ka LGU, 13 lang ang Ila na bisitahan nga naga lakip sang Hinigaran, La Castellana, Moises Padilla, Isabela, Himamaylan City, Kabankalan City, Hinoba-an, Sipalay City, Don Salvador Benedicto, Calatrava, Toboso, San Carlos City kag Bago City.
Paathag ni Dr Tobias wala man ginasiling nga wala naga patigayon sang pagbakuna ang mga LGU, kundi pila sa mga nakit-an nag apekto sa vaccination program amo nga, Oktubre nag-abot ang bakuna pero ulihi na sang mga LGU napadasig ang rollout.
Isa pa gid nga naga apekto man ang kadamuon sang population nga dapat mabakunahan. Nagdugang na sang vaccinators ang DOH kag bisan pa data encoders sa tagsa ka LGU.