Patay ang tag-iya sang duta nga si Silas Granada matapos ini gin-tiro sa gwa sang iya nga balay sa Barangay Pinggot sa banwa sang Ilog sang Sabado sang gab-i.
Suno kay Captain Thurslie Castillo, hepe sang Ilog PNP, yara lang sa sulod sang iya balay si Granada sang mag abot ang mga armado.
Sang iya pagwa kag didto kag nag baisay na sila parte sa duta kag hinali na lang nga gintiro sang mga armado si Granada.
Suno kay Castillo, gin-ako naman sang NPA ang pag patay kay Granada.
Damlag pa nag baton naman sang mga pag pamahog ang biktima suno sa pulis bangud man sang mga illegal settlers sa duta nga iya ginpanubli gikan sa iya ginikanan.
Dugang pa ni Castillo nga mga miyembro sang NPA amo man ang nag patay sa iya sini nga amay may kaangtanan man sa gihapon sa ila nga duta.
Gina imbestigahan karon sang PNP ang mga ngalan nga sadto ginhatag sang biktima sa pulis antes natabo ang pag paniro.