Nag hinyo ang Regional Inter-Agency Task Force sang pito ka adlaw nga moratorium angut sa biyahe sa tunga sang Negros kag isla sang Panay.
Sa isa ka joint resolution kaupod sa Regional Task Force for the Management of Emerging Infectious Diseases, gin-recommend ang suspension sang biyahe kag ini sa karon ang naga hulat pa sang approval sang national IATF.
Sa amo nga resolution, ginhinyo ang moratorium sa non-essential travellers kag Authorized Persons Outside Residence magluwas na lamang sa mga apor nga yara sa heath care sector, mga humanitarian workers kag uniformed personnel.
Subong nga adlaw natalana ang pagtalakay sang NIATF pero as of press time wala pa sang abiso angut diri.
Ginsiling naman ni Frank Carbon sang Metro Bacolod Chamber of Commerce and Industry nga wala ma konsulta ang business sector angut diri.
Suno kay Carbon madamo sang mga naga trabaho sa mga pwerto sa Panay kag Negros ang ma apektohan ang palangitan-an.
Suno naman kay Atty Rayfrando Diaz, nagakaigo man lamang magpatigayon sang tikang nga naga depensa sang imo nga lugar may kaangtanan sa sitwasyon sang kaso sang Covid-19 sa karon.
[sibwp_form id=1]