Suspended City Agriculturist maga retiro pero hearing sa kaso administratibo batuk sa iya magapadayon sa Setyembre.
Makaligad nga naka submit sang iya verified answer sa kaso nga grave misconduct nagpabutyag man si suspended City Agriculturist Atty. Goldwyn Nifras nga magaretiro na siya sa serbisyo.
Para kay Nifras wala na sang viable option para sa iya magpadayon obra matapos ginpasakaan siya sang administrative case angut sa unauthorized rental fee sa traktora nga iya ginapahulam sa mga farmer organizations.
Suno kay City Legal Officer Atty. Romeo Carlos Ting, Jr., magahulat sila sa mangin desisyon ni Mayor Albee Benitez angut sa plano nga pag retiro ni Nifras.
Pero magapadayon man ang natalana nga hearing sang kaso sa Setyembre.
Si Nifras ang gin-buslan ni Maricar Quiro bilang officer-in-charge sang City Agriculture Office samtang siya ang napaidalom sa 60-day preventive suspension.