Tubtob sa karon wala pa sang may matumod nga suspek ukon mga suspek ang National Bureau of Investigation angut sa pag patay sang 15 anyos nga dalagita nga nasapwan sa katubuhan sadtong Agosto.
Suno kay William de Arca, ang Executive Officer sang National Bureau of Investigation – Bacolod kag naka assign sa kaso, padayon pa ang ila nga pagtipon sang ebedensya kag documentation.
Base sa ila naga padayon nga imbestigasyon, indi magnubo sa duha ang mga suspek, kag pwede masiling nga sunado nila ang lugar sa La Carlota.
Paathag niya, ang katubuhan kun diin nasapwan ang bangkay sang grade 12 nga si Pearl Joy Galve sadtong Agosto 14 ang malayo sa main nga highway, kag mismo ang lugar nga napahamtang sang bangkay ang 40 metros ang kalayuon gikan sa dirt road.
Bangud nga naga agnas na ang bangkay mabudlay naman sa pag pat-od kun san-o siya gin patay ukon ano na siya kalawig napatay, bisan pa ang pag pat-od kun nahimuslan siya.
Kun wala naman sang may balita pa sa iya sini nga stepfather, nga damlag pa gin-summon man sang NBI, suno kay de Arca, wala ini sang pending nga kaso gani libre siya mag lakat kun diin man sini gusto.
Gin ako na ni Rene John Nacis ang pag molestiya kay Pearl Joy.
Ang iloy na ni Pearl Joy nga si Jennifer ang maga tindog nga complainant para sa amo nga kaso.