Pagpatuman sang survey sa mga commercial establishment sa Bacolod kabahin sang pagpasiguro nga may yara sang business permit ginaduso sang konseho.
Malawig na nga natagaan sang kahigayunan sang Bacolod LGU ang mga commercial establishment nga wala pa maka-secure sang business permit.
Gani para kay Councilor Jason Villarosa nagakadapat lang nga ma-usisa na ang mga commercial establishment nga wala sang compliance kag ginakinahanglan multahan ukon mapinahan.
Nagapati siya nga kinahanglan mapasakaan ang penalidad sa tuyo nga mapaiway ang pag-operate sang indi lehitimo nga negosyo.
Ini kasubong na lamang sang nag-sira nga ilimnan sa Barangay Mandalagan kun diin nag-inom ang mga nagrambol nga pamatan-on nga nagresulta sa pagka utas sang isa ka 18 anyos nga lalaki sang nagligad nga Mayo 13.
Ang natukod nga integrated task force nga ginalakipan sang katapo sang City Legal Office Enforcement Team, Business Permits and Licensing Office kag Office of the Building Official amo ang nagapatuman sang mapping operation para masiguro nga ginasunod ang Revised Revenue Code.