Nakatabok na sa Mariana Islands ang Super Typhoon nga may international name nga Bavi kag naga padulong na sa Pilipinas.
Ara pa ini sa gihapon sa gwa sang Philippine Area of Responsibility kag gina paabot nga maga sulod sa PAR Martes sang gab-i ukon Miyerkules sang aga. Pagsulod sa PAR tawgon ini nga Inday kag mabuhinan ang iya sini nga pwersa pero magapabilin sa gihapon bilang isa ka Super Typhoon.
Gina paabot nga indi ini mag-landfall sa Pilipinas pero maga palapit ini sa Batanes sa Biyernes antes magwa sa PAR sa Sabado.
Ginapaabot ang pag balik sang Hangin Habagat nga amo ang maga dala sang mabaskog nga hangin sa Martes ukon Miyerkules kag sa Huwebes naman pabaskugon sang Super Typhoon ang Habagat.
Gina forecast ang mabunok nga ulan sa Biyernes tubtob Domingo sa Negros, Western Visayas, MIMAROPA, Metro Manila, CALABARZON, Central Luzon, Ilocos Region, Western Cordillera kag Cagayan Valley.
Ginapaandaman ang tanan nga mag ulualigmat sa baha kag landslide.
[sibwp_form id=1]