Gina duso nga sugar import liberalization ang ginalantaw mahimo maga tuga sang kamatayon sang sugar industry.
Ini para kay 5th District Congressman Dino Yulo nga nagsiling nga labing ma apektuhan pa gid ang Negros Occidental kun ipatuman ang amo nga proposal bangud indi naman ma negar nga lifeblood sang probinsya ang industriya sang kalamay.
Ang pag liberalize sang sugar industry ang maga benepisyo sang mayoriya sang mga Pilipino, apesar sang pag pamalabag sang mga local producers sa pag bukas para sa free flow sang importation suno kay Finance Secretary Benjamin Diokno nga amo ang naga duso sini.
Paathag ni Yulo 90 porsiento sa karon sa mga sugar farmers ang marginal ukon magagmay nga sugar farmers. Sila ang labing maapektuhan.
“The proposal may kill the sugar industry. It will affect largely our small sugar producers” suno kay Yulo.
Sang Hwebes ginsiling man ni Senator Joseph Victor Ejercito nga ang gobyerno dapat mag patigayon sang consultation kag dapat nga mag andam sa gina duso nga import liberalization sang kalamay.