STI West Negros University Gymnasium ang napilian sang siudad nga mangin playing venue para sa FIBA Women’s Under 18 South East Asian Basketball Association Qualifiers sa masunod nga semana. Sarang ini maka accommodate sang masobra sa 4,000 ka basketball fans.
Sumugod Hunyo 2 tubtob 6, magasambuwa ang lima ka mga pungsod sa South East Asia para sa FIBA Qualifiers.
Sa Hunyo 1, may isa ka welcome dinner nga pagahiwaton ang Bacolod City para sa mga bisita.
Sini nga semana, ginapaabot nga amat-amat na nga magaabot sa siudad ang mga tiglawas sang Pilipinas kag ang mga atleta gikan sa Vietnam, Thailand, Singapore kag Indonesia.
Ginsiling ni Bacolod City Mayor Greg Gasataya, nga libre lang ang tickets nga ipanghatag sang organizers para sa tanan nga games.
Dugang pa niya, dako ang mangin impact sini sa turismo sang siudad.
Sandig sa schedule sang FIBA, kada las siete sang gab-i ang hampang sang Pilipinas.*
[sibwp_form id=1]