Sugar Regulatory Administration ang nag klaro nga sila mismo ang naga hulat man sang official release sang Sugar Order.
Ini may angut sa pag export sang of 100,000 metric tons sang kalamay sa Estados Unidos.
Ini ang ginpahayag ni SRA Administrator Pablo Luis Azcona bilang sabat sa ginpagwa man nga pahayag sang NACUSIP-TUCP nga wala sang transparency bangud nga wala sang published sugar order.
Suno kay Azcona nakahibalo man ang NACUSIP-TUCP sa dinekada na nga pagtrabaho upod sa sugar industry nga ang official publication sang ano man nga sugar order naga paidalom sa proseso humalin sa tion nga ang Sugar Board maga approve sang order kag pag forward sini sa University of the Philippines para sa recording antes sa official release.
Iya gina haylo ang NACUSIP-TUCP sa pag consult sa ila nga allied sugar leaders para maklaruhan sila kun paano madesisyunan ang pag-export nga bisan ulihi na gina lauman nga maka bulig sa presyo karon sang kalamay.
Dugang pa ni Azcona, sang June 2025, sila ang nag announce na nga ang sugar production nagsaka sa level nga wala nila makita sa nagligad nga lima ka tuig, pero wala sang may nagpamati.
Antes sini sang April 2025, nakita man sang SRA ang posible shortfall ukon kakulang sa refined sugar. Kag sang nag sira ang refineries sang June 2025, sila ang nakatigayon refine lamang sang 618,388 metric tons sang sugar nga indi gani maka cover sang annual demand sang refined sugar nga masobra sa 1 million metric tons.*