Sangguniang Panlalawigan sang Negros Oriental ang nag approve sang resolution nga maga ayu nga indi anay pagdayunon ang reclamation project sa Dumaguete.
Gin aprubahan kahapon sang sp sang Negros Oriental ang resolution nga maga ayu sa konseho sang Dumaguete City nga i defer ukon i re evaluate ang authority nga ila gin hatag kay Mayor Felipe Remollo angut sa proposed joint venture agreement nga maga himo sa coastal area sang Dumaguete bilang isa ka Smart City.
Gin ulan sang reklamo gikan sa nagkalain lain nga grupo ang nasambit nga proyekto bangud sang gina siling mangin epekto sini sa marine life pati na sa mga palangabuhian sang pila ka residente sa siudad.
Sandig sa resolution, kinahanglan anay ini nga matun-an sang maayo sang mga environmental experts kag makapatigayon sang public consultation antes ipatuman ang proyekto.
Gin pahayag man sang bise alkalde sang Dumaguete nga sila ang mapatigayon sang public consultation angut diri kag maga paidalom sa proseso ang proyekto lakip na diri ang feasibility study antes ipatuman.