Gin lubong na kahapon si Corporal Rodney Luces nga napatay sa enkwentro batuk sa mga rebelde sang Hunyo sa Barangay Carabalan sa Himamaylan.
Napatay man sa amo nga enkwentro ang isa ka katapo sang new peoples army samtang pilason naman ang isa ka soldado nga upod ni Luces.
Yara man ang mga upod ni Luces nga mga suldado nga nag upod sa pag dul-ong sa iya ulihi nga palahuwayan kag nag dumdum sa iya nga pagkabaganihan.
Gin pahayag naman ni Major General Eric Vinoya, commander sang 3rd Infantry Division nga ang army ang saludo sa kaisug ni Luces kag sang iya pag sakripisyo para sa ginapakigbato nga kalinong sa isla sang Negros.