Halos natapos na sang SM Construction ang temporary facility pati na ang exhaust system nga gamiton sang mga tenants sang Manokan Country.
Gani sa Setyembre 25 natalana ang pag turn-over sang pasilidad sa Bacolod LGU. Ginalauman ni City Legal Officer Romeo Carlos Ting, Jr., nga kun ma-turn over na ang pasilidad maka-amat amat na transfer ang mga tenants.
Ginpasalig ni Mayor Albee Benitez nga sarang maka-operate ang mga tenants sa temporary facility sang SM kag sa daan nga Manokan.
Wala man sang may nakita nga problema ang alkalde kun mag-ayo ang mga tenants nga magbaligya sa daan nga Manokan asta Disyembre bangud magasunod lamang ang siudad sa time table sang SM Prime Holdings Incorporated ukon SMPHI.
Ang SMPHI amo ang nag-lease sang 3-hectare property sang siudad sa reclamation area nga ila luyag i-develop, kabahin na diri ang pagpatindog sang bag-o nga Manokan Country.