Slow Food Educational Center ginaplano itukod sa Bacolod kabahin sa pagpanghanda para sa hosting sang Slow Food Terra Madre – Asia Pacific sa siudad.
Sa Nobyembre natalana ang Slow Food Market, caravan kag mga seminars agud mas mapalapnag pa ang pagpatigayon sang Terra Madre Visayas sa Terra Madre Asia Pacific.
Ang Bacolod City upod sa Negros Occidental Provincial Government ang natalana maga-host sang isa sa pinakadako nga Slow Food event sa November 2025.
Kabahin sa ginaplano nga pagpanghanda ang pagtukod sang educational center sang Slow Food Movement sa siudad.
Ginpahayag ni Councilor Jason Villarosa nga magapain sang P1.5M ang Bacolod LGU para diri.
Ang siudad ang nagahandom nga mangin Slow Food Hub sa Asya sa tuyo nga mas mapasanyog pa ang food tourism kag ekonomiya.