Sa datus sang Provincial Veterinary Office sang kahapon, 143 sa karon ka mga barangay sa Negros Occidental ang nag record sang swine deaths tuga sang nagkalain-lain nga mga masakit.
Barangay 1, Poblacion sa Isabela ang nagdugang sa mga barangay nga nag record sang swine deaths.
Sa amo nga nga datus napakita nga 9.64 percent sa hog population sang 17 ka mga apektado nga banwa kag siudad ang nagkalamatay.
164.3 million pesos ang balor sang amo nga kahalitan.
Pero, ginsiling ni Governor Eugenio Jose Lacson, ang amo nga sitwasyon malayo pa para maka deklarar sang state of calamity.
Dugang pa niya naga panubo na sa matag-adlaw ang gina report pig deaths.
Napatuman man ang naga kaigo nga protocol para malikawan ang pag lapta pa gid sang masakit kag ang mga green areas ukon wala sang na record swine deaths ang maid-id man nga naga pangapin sang ila nga mga lugar.