Composite team ang nagpatigayon sang inspection sa proposed relocation site para sa mga pumuluyo nga ang mga balay sakop sang 4 km permanent danger zone.
Hwebes, ginkadtuan ang 8.6 hectare site sa Brgy Talaptap sa La Castellana sang mga tiglawas gikan sa gobyerno probinsyal, Department of Human Settlement and Urban Development kag National Housing Authority upod na ang gikan man sa La Castellana LGU.
Sarang maka accommodate sang 300 ka pamilya ang lugar suno kay Irene Bel Plotena ang pamuno sang Provincial Disaster Risk Reduction Management Office.
Suno sa iya ang ginpatigayon nga site assessment kag field validation tuyo nga mag evaluate sang area viability, socio and economic feasibility, safety, accessibility, kag standard compliance sang lugar.
Kalakip sa gin patigayon ang drone surveying, soil and water collection for testing, kag hazard identification.
Ginapaabot ang pag submit sang tagsa ka talatapan sang ila nga report.
Damlag pa ginsiling ni Provincial Administrator Rayfrando Diaz nga naga balor sang 15 milyones pesos ang natungdan nga duta nga paga baklon sang probinsya.
Mga P210M naman ang kinahanglan para ma develop ang lugar.
Sa datus sang Office of the Civil Defense may 61 ka pamilya ukon 213 ka individuals ang yara sa 4km PDZ sa La Castellana.
“Yesterday, after natun site visit, aton mga composite teams, gin advise ta sila nga ma submit sila sang ila nga mga initial assessment reports, for example ang aton ICTD ang aerial, ang topographical, aton PSWDO anong mga kina hanglan nila sa isa ka relocation site, para sa social preparations. Tapos ang soil gu testing naton nga gin conduct sang OPA kag sang aton nga mga kag sa admin naton. Once nga ready na ang ila report, i-submit na namon sa kay Atty Ray kag kay Gov for decision making man nila”, suno kay Plotena.