Isa man karon ang Simbahan Katoliko sa naga panawagan sa siudad sang Dumaguete nga indi pag dayunon ang plano karon nga 174 hectare reclamation project sa siudad ukon ang pag construct sang smart city sa ila coastline.
Sa open letter sang Diocese ang proyekto ang mahimo mag halit sa nabilin nga marine ecosystem sang siudad. Kinahanglan suno sa simbahan nga i consider sang siudad ang scientific kag environmental implications sang nasambit nga proyekto.
Magluwas sa simbahan, damlag pa ang nagklain lain nga mga grupo lakip na ang academe kag mga environmentalist ang nag patigayon na sang protest rally kag signature campaign agud mapamalabagan ang proyekto.
Sang nag ligad nga semana nag patigayon man sang press conference si Dumaguete Mayor Felipe Remollo may angut sa kontrobersyal nga proyekto.
Suno kay Remollo, tinutuyo lang sang proyekto nga mag hatag sang trabaho sa mga pumuluyo sang siudad ilabi na sa mga newly graduates kag ini kahigayunan man bangud sa wala sang pondo nga ipa gwa ang siudad sa sini nga proyekto.
Ang Dumaguete City PIO ang nag pa gwa man sang summary sang proposed project agud mas ma intindihan snag maayo sang publiko.
Ang national agencies amo man sa gihapon ang may final say angut diri suno kay Remollo kag ini ang ila pa nga paga hulaton.