Teresita Lopez Jalandoni Provincial Hospital sa Silay City ang nahatagan sang pondo para ini ang mangin solar powered na.
Ginsiling ni Provincial Administrator Rayfrando Diaz nga na download na gikan sa national treasury ang P21 million nga pondo para sa amo nga solar power project.
Gikan ang pondo sa Local Goverment Support Fund, bagay nga gina pasalamatan sang probinsya ang national government sa amo nga bulig. Suno kay Diaz daku ang tigayon nga ma save sang probinsya sa pag convert sa solar power.
Gina handa na ang purchase request para tigayon na masuguran ang proyekto. Mangin ika lima na ang talatapan ang TLJPH sa probinsya nga nag convert sa solar power.
Ang Capitol building, Negros Residences kag ang Food Terminal Market of Negros Occidental ang solar powered na. Padayon pa ang installation sa CyberCentre.
Ginsiling man ni Diaz nga may P150 million pesos nga gid nga pondo nga nabaton ang probinsya gikan man sa LGSF para sa mga road projects.
“LGSF na siya halin sa national government. Gin-applyan sang Provincial Government nagligad pa, nga 3 months ago. It was finally approved and downloaded sa aton account just yesterday, na confirm ta. It’s a project that we can implement sugod na ta sa procurement process. That’s along with the P150 million road projects na gin-propose man naton”, suno kay Diaz.
[sibwp_form id=1]