Ginpang-install na sang Bacolod Traffic Authority Office ang mga signages sa mga designated tow-away zones sa dalan Lacson sa Bacolod.
Suno kay Police Major Junjie Liba, pamuno sang BTAO, ipatuman nila ang Clamping kag Towing Ordinance upod ang pribado nga towing company dungan sa MassKara Festival.
Nalakip sa mga tow-away areas nga ginadumilian ang pag-park sang mga salakyan ang sa atubang sang Abad Chuch, sa dalan – San Sebastian kag Lacson, Cordova kag Lacson kag sa atubang sang CLMMRH, 22nd- Lacson atubang sang Transcom, 21st Lacson fronting Bar 21 Restaurant kag sa 16th Lacson fronting L’Fisher Hotel.
Dugang nga signages para sa mga towing zones ang ipamutang halin sa Bangga Ramos pakadto sa flyover sa Barangay Bata.
May gintalana man nga regulated tow-away zones kun diin indi pwede nga mag-park sang salakyan halin 7AM asta 7PM.
Kadam-an sa mga regulated tow-away zones ang yara sa atubang sang mga restaurant nga naga operate kun gab-i.