Temporaryo nga gin pa untat ang operation sang shooting range sa sulod sang Negros Occidental District Jail sa Barangay Tabunan sa Bago City matapos mag gwa ang report angut sa mga layaw nga bala nga gina alegar gikan sa sulod sang jail.
Isa ka concerned citizen ang nag palab-ot sang report angut sa mga nakuha nga slug sang bala gikan sa atop sang isa ka residente malapit sa NODJ.
Suno kay Atty Jairus Dogelio, spokesperson sang BJMP Region 6, ila pa gina usisa kun bala sa shooting range sa sulod sang jail facility nag halin ang mga bala.
Nakig angut naman suno kay Dogelio ang warden sa barangay apang wala man sang may nag palab-ot sang reklamo sa ila. Ang Bago PNP ang wala man maka baton sang reklamo may angut sa natabo.
Pero temporaryo lang sa karon nga gin sarado ang shooting range samtang naga padayon ang imbestigasyon angut sa reklamo sa mga layaw nga bala.