Sarang ma extend ang shelf life sang expired Covid -19 vaccines sa tubtob anum ka bulan.
Sa pagsinapol kahapon ni Governor Eugenio Jose Lacson kanday Health Secretary Francisco Duque, III, National Task Force against Covid – 19 Chief Implementer, Sec Carlito Galvez, Vaccine Czar Sec Vivencio Dizon, iya ginpadangat sa ila nga atensyon ang pagpadala sang mga bakuna nga may malapit na sa expiry date sini.
Ehemplo diri ang natabo sa 14,620 ka mga AstraZeneca vaccines sang Negros Occidental sang November 2021. Kabahin ang 14,620 ka dose sang AstraZeneca nga nag abot November 8, 2021 kag wala ini napaubos antes sang expiry date sini nga November 30, 2021.
Suno kay Lacson, ginsiling ni Sec Galvez nga sarang ma extend ang shelf life sang nag expire nga vaccine tubtob sa 6 ka bulan.
Suno kay Lacson kun nakahibalo na nga daan ang probinsya bahin diri kuntani na klaruhan na ang issue bahin sa natungdan nga mga bakuna. Kasunod sini, ipa check sang gobernador ang estado sang amo nga mga bakuna.
“That is when Sec Galvez told us the life of the vaccine can be extended up to 6 months. (meaning to say atong nag expire ta gov pasok pa siya sa 6 months?) I have to check what month was that, had we known that before, then, there would have been no issue about expired vaccines”, suno kay Lacson.