Seremonya para opisyal nga himuon nga university ang Carlos Hilado Memorial State College ang ginpatigayon subong nga hapon.
Opsiyal na nga matawag nga Carlos Hilado Memorial State University ang buluthuan. Ini matapos ginpatigayon kaina ang university conversion kag oath taking sang pinaka una nga university president nga si Dr. Norberto Mangulbnan. Kaupod sa seremonya ang mga opisyal, manunudlo kag pila sa mga estudyante sang eskwelahan.
Nagtambong man sanday Bacolod Congressman Greg Gasataya kag anay 3rd District congressman Albee Benitez sa seremonya. Ang duha kaupod si Fifth District Congressman Aljendro Mirasol amo ang nagduso sang hagna sa kongreso para himuon nga isa ka university ang eskwelahan.
Ang CHSMU main campus ang yara sa Talisay City kag may mga satellite campuses sa Barangay Estefania kag Alijis sa Bacolod kag sa banwa sang Binalbagan.
Ang paghimo sang eskwelahan bilang isa ka university ang nagakahulugan sang dugang nga budget, oportunidad, kurso, kag mas mapa maayo pa gid ang eskwelahan para maka akumodar sang mga estduyante nga may libre nga tuition fee.