Ang annex building sa kilid sang Bacolod City Government Center amo karon ang nagapabilin nga opisina sang Bacolod Comprehensive Health Program ukon BacCHP.
Ginsiling ni Secretary to the Mayor Atty. Jose Marty Go nga amo man ang gin-appoint nga maga-supervise sang BacCHP may plano si Mayor Greg Gasataya nga mapangitaan sang bag-o nga opisina ang BacCHP.
Ini agud nga magamit ang annex building bilang Senior Citizens Center nga prayoridad sang alkalde para mas mapahapos ang pagserbisyo sa mga may edad.
Ginklaro ni Go nga sa pihak sang transition nagapadayon ang normal operation sang BacCHP kag padayon ang coordination sang LGU sa mga partner hospitals agud mabuligan ang mga pasyente nga nagakinahanglan sag medical attention.
Ginatun-an man ang possible pag-amend sang ordinance agud nga mapasakaan ang ginapalab-ot nga P15,000 nga medical assistance sang siudad.