Patay ang isa ka 75-anyos matapos mabungguan sang ambulansya sang Provincial Government sang Negros Occidental.
Nabungguan ang motorsiklo nga gina maneho ni Vicente Pit sa National Highway sang Purok Katilingban Brgy. Sagua Banua banwa sang Valladolid sang Martes.
Ang driver sang ambulansya ang ginkilala sa kay William Juanico nga taga Brgy. Bata siudad sang Bacolod.
Suno sa kay Police Major Eric Doronila ang hepe sang Valladolid PNP, halin sa gasolinahan ang biktima sakay sa iya nga motor kag magatabok padulong sa norte nga direksyon, apang ini ang nabungguan sang ambulansya nga gikan sa sur nga direksyon.
Bangud mabaskog ang pagkabunggo nagatabog ang biktima kag nakaagum ini sang seryoso nga samad. Ginhingagaw pa ini dala sa ospital apang napatay.
May initial settelement na sa tunga sang pamilya sang biktima kag sang drayber.