Tatlo ka igo sang bala sa dughan, likod kag paa ang naangkon sang mangunguma nga ginpatay sang mga armado sa Sitio Maabo, Barangay San Isidro sa banwa sang EB Magalona, Lunes sang aga.
Nagwa sa imbestigasyon sang PNP nga ginsulod sang lima ka mga armado ang balay sang biktima nga ginkilala kay alyas “Jeri”, 64-anyos kag siya ang ginpagwa.
Nabatian na lang sang live-in partner sang biktima nga yara sa sulod sang balay ang tatlo ka mga lupok sang pusil.
Na-recover sa crime scene ang isa ka cartridge case sang M16 rifle.
Ang balay sang biktima ang yara sa ibabaw sang bungyod, mga apat tubtob lima ka kilometro ang kalayuon sa proper. Wala man sila sang malapit nga tupad-balay.
Sa karon, padayon pa ang imbestigasyon sa motibo sang krimen.
[sibwp_form id=1]