Ginpatigayon ang send-off ceremony sa 144 ka mga atleta kag 22 ka mga coaches nga maga tiglawas sang Bacolod City sa Batang Pinoy 2025 National Championships nga hiwaton sa General Santos City sumugod Oktubre 25 tubtob 31, 2025.
Ginpangunahan ni Mayor Greg Gasataya ang seremonya Lunes sang aga sa Bacolod City Government Center.
Ang mga atleta kag coaches sang Bacolod maga compete sa nagkalain-lain nga sports event, kasubong sang swimming, archery, athletics, basketball, boxing, chess, cycling, futsal, gymnastics, muay thai, taekwondo, beach volleyball, kag wushu.
Ginalauman nga magadala sang dungog sa siudad ang mga atleta sa ila tagsa tagsa ka sports event.